truetamilnews.com

கோவையில் ஒரே ஆலையில் 44 பேருக்கு கொரோனா தொற்று கண்டறியப்பட்டுள்ளது 


கொரோனா ஊரடங்கல் நான்கு மாதங்களுக்கும் மேலாக அனைத்து தொழிற்சாலைகளும் பூட்டப்பட்டிருந்த நிலையில், ஆகஸ்ட் மாதம் முதல் குறைந்தபட்ச அளவு பணியாளர்களுடன் இயங்க அனுமதி வழங்கப்பட்டது.

இந்நிலையில், செப்டம்பர் மாதம் அறிவிக்கப்பட்ட தளர்வுகளையடுத்து தமிழகத்தில் அனைத்தும் ஏறக்குறைய இயல்புக்கு வந்தன

இதனையடுத்து கோவையில் நீண்ட நாட்களாகப் பூட்டிக்கிந்த ஆலைகள் திறக்கப்பட்டன. இந்நிலையில், ஒரே ஆலையில் பணிபுரியும் சுமார் 44 பேருக்கு கொரோனா தொற்று உறுதி செய்யப்பட்டுள்ளது.கோவை மாவட்டம் நவக்கரை பகுதியில் சுமார்10 ஆண்டுகளுக்கும் மேலாக இயங்கி வருகிறது கனேஷ் ஸ்பிண்டெக்ஸ் என்னும் நூற்பாலை. கடந்த ஆகஸ்ட் 28ஆம் தேதி இந்த ஆலை மேலாளருக்கு ஃப்ளூ போன்ற காய்ச்சல் ஏற்பட்ட நிலையில், கொரொனா டெஸ்ட் எடுத்துள்ளார். அதில் அவருக்கு கொரோனா தொற்று இருப்பது உறுதியானது.

இதனைத் தொடர்ந்து ஓவ்வொருவராக கொரோனா தொற்று உறுதி செய்யப்பட்டு வருகின்றனர். இதுவரை 44 பேருக்கு இந்த ஆலையில் கொரோனா தொற்று உறுதியாகியுள்ளது. இந்த எண்ணிக்கை அதிகரிக்ககூடும் என்ற அச்சமும் எழுந்துள்ளது.

ஆலைக்கு அருகிலேயே இருக்கும் கே.கே.சாவடி என்ற பகுதியில் இவர்கள் தனிமைப்படுத்தப்பட்டு சிகிச்சை அளிக்கப்பட்டு வருகிறது.

முறையான வசதிகளை ஏற்படுத்தாமல் ஆலைகளைத் திறப்பதும், பாதுகாப்பற்ற கூடுகைகளும் மேலும் மேலும் கொரோனா பரவலுக்கே வழிவகுக்கும் என்று அரசு தொடர்ந்து வலியுறுத்தி வந்தது. இந்நிலையில், ஆலைகள் திறக்கப்படும் முன்பு முறையான பாதுகாப்பு வழிமுறைகளைக் கடைபிடிக்க வேண்டியதும் அவசியம்.

ஆனால் இந்த ஆலையில் அப்படியான பாதுகாப்பு ஏற்பாடுகள் செய்யப்பட்டிருந்தனவா என்பது இதுவரை தெரியவில்லை.

Leave a Reply

Your email address will not be published. Required fields are marked *

Translate »
Enable Notifications    OK No thanks