truetamilnews.com

பனை மரத்திலிருந்து இறக்கப்படும் கள் குடித்தால் புற்று நோய் உட்பட 15 வகையான நோய்கள் குணமாகும் என தெலங்கானா அமைச்சர் ஸ்ரீனிவாச கவுட் தெரிவித்துள்ளார்.

தமிழ்நாட்டில் அரசு மது பானக் கடைகளை நடத்தி வரும் நிலையில் கள் இறக்குவதற்கு தடை விதிக்கப்பட்டுள்ளது. விவசாயிகள் கள் இறக்குவதற்கு அனுமதி வழங்கக்கோரிவரும் நிலையிலும் அரசு கண்டுகொள்வதாக இல்லை. ஆனால் அண்டை மாநிலங்களில் கள் இறக்குவதற்கு தடை ஏதும் விதிக்கப்படவில்லை.அதிலும் தெலங்கானா மாநிலத்தில் அமைச்சரே கள், பதநீருக்கு பிராண்ட் அம்பாசிடராக மாறியுள்ளார்.

தெலங்கானாவில் சுதந்திர போராட்ட வீரர் சர்வாய் பாபன்னாவின் சிலை திறப்பு விழாவில் அமைச்சர் ஸ்ரீனிவாச கவுட் கலந்து கொண்டுள்ளார். அப்போது பேசிய அவர், “பனை மரத்திலிருந்து இறக்கப்படும் கள் மருத்துவக் குணங்கள் நிறைந்தது என நிரூபிக்கப்பட்டுள்ளது. 15 விதமான நோய்களை கள் குணப்படுத்தும். தினமும் கள் குடித்தால் புற்றுநோய் கூட குணமாகும். ஏழைகளின் பானமாக மட்டுமே கள் இருந்தது. ஆனால் இப்போது காரில் வந்து கள் குடித்துச் செல்கின்றனர்” என்றார்.கொரோனா பொது முடக்கம் காரணமாக கடந்த மே மாதம் மது பானக் கடைகள் மூடப்பட்ட நிலையில் கள் இறக்குவதற்கு அனுமதி வழங்கப்பட்டது.

தற்போது கள் குறித்து பேசியுள்ள அமைச்சர் ஜுன் மாதம் பதநீர் குறுத்து பேசினார். “பதநீர் உடலுக்கு மிகவும் நல்லது. உடல் சூட்டைத் தணிக்கும். சிறுநீரக பிரச்சினைகளுக்கு பதநீர் குடிப்பது நல்லது” என கூறினார்.

Leave a Reply

Your email address will not be published. Required fields are marked *

Translate »
Enable Notifications    OK No thanks