truetamilnews.com

கொரோனா வைரஸ் பரவத் துவங்கிய நேரத்தில் இருந்து பல முக்கிய சினிமா திரைப்பிரபலங்களின் மரணம் ரசிகர்களை தொடர்ந்து அதிர்ச்சிக்குள்ளாக்கி வருகின்றன. பாலிவுட்டில் ரிஷி கபூர், இர்பான் கான், சுஷாந்த் சிங் ராஜ்புட் தொடங்கி தமிழ் சினிமா துறையில் சமீபத்தில் மரணமடைந்த வடிவேல் பாலாஜி வரை பலரது மரணம் ரசிகர்களை சோகத்திற்கு உள்ளாக்கி வருகின்றன.

இந்நிலையில் தற்போது தமிழ் சினிமாவில் பல படங்களில் சிறிய குணச்சித்திர வேடங்களில் நடித்தவரும் பிரபல எழுத்தாளருமான ரூபன் நேற்று உடல்நலகுறைவால் மரணமடைந்தார். அவரது வயது 54.

விக்ரம் நடித்த தூள் படத்தில் டிடிஆர் கதாபாத்திரத்தில் அவர் நடித்திருப்பார். அது மட்டுமன்றி விஜய்யின் கில்லி படத்தில் கபடி போட்டி நடுவராகவும் அவர் நடித்திருப்பார். அந்த இரண்டு படங்களையும் இயக்கியது தரணி தான். சினிமா துறையில் ஸ்கிரீன் ரைட்டர் ஆக அவர் அதிகம் பணியாற்றி இருக்கிறார். ஒரு சில படங்களுக்கு கதை ஆசிரியராகவும் அவர் இருந்திருக்கிறார். அவ்வப்போது கிடைக்கும் வாய்ப்புகளை பயன்படுத்திக்கொண்டு அவர் திரையிலும் தோன்றி இருப்பார். “நான் கவிஞனுமில்லை..,நல்ல நடிகனுமில்லை” என்று தான் அவர் தனது முகநூல் கணக்கிலேயே குறிப்பிட்டு இருப்பார்.

54 வயதாகும் ரூபன் நுரையீரல் புற்றுநோய் காரணமாக சிகிச்சை பெற்று வந்தார் எனவும் சமீபத்தில் அவருக்கு கொரோனா தொற்று ஏற்பட்டது என்றும் கூறப்படுகிறது. அதன் காரணமாக இவர் சிகிச்சை பலனின்றி உயிரிழந்திருக்கிறார். திருச்சியில் உள்ள ஒரு பிரபல தனியார் மருத்துவமனையில் அவர் சிகிச்சை பெற்று வந்த நிலையில் நேற்று மாலை 4 மணி அளவில் அவருக்கு அதிக மூச்சு திணறல் ஏற்பட்டு இருக்கிறது. அதன் பின் அவர் சிகிச்சை பலனின்றி உயிரிழந்தார்.

அவருக்கு சங்கீதா என்ற மனைவி இருக்கிறார் மற்றும் குழந்தைகள் இல்லை. ரூபன் மறைவிற்கு சினிமா துறையினர் பலரும் சமூக வலைதளங்களில் இரங்கல் தெரிவித்து வருகிறார்கள். குறிப்பாக அவருடன் பணியாற்றிய இயக்குனர்கள், எழுத்தாளர்கள், பத்ரிக்கையாளர்கள் பலரும் அவரை பற்றி உருக்கமாக பதிவிட்டு வருகின்றனர். அவர் உடன் பணியாற்றிய அனுப்வங்கள் பற்றியும் பலரும் பதிவிட்டு வருகிறார்கள்.

 

Leave a Reply

Your email address will not be published. Required fields are marked *

Translate »
Enable Notifications    OK No thanks