truetamilnews.com

ட்விட்டரில் பெங்களூரு அணியை கலாய்த்த ராஜஸ்தான் ராயல்ஸ் அணி.

கொரோனான எதிரொலி, சென்னை வீரர்கள் கோவிட் பாசிட்டிவ் ரிசல்ட் என சில காரணங்களால் தள்ளி போய்க்கொண்டே இருந்தது ஐபிஎல் அட்டவணை விவகாரம். கடைசியாக, ஓரிரு தினங்களுக்கு முன்னர் அதிகாரப்பூர்வமாக இந்தாண்டுக்கான ஐபிஎல் அட்டவணையை வெளியிட்டது பிசிசிஐ நிர்வாகம்.

அதிகாரப்பூர்வ அட்டவணை வெளியானவுடன், அந்தந்த ஐபிஎல் அணிகள் தங்கள் அணிகள் விளையாடும் போட்டிகள் மட்டும் அடங்கிய பிரத்தியேக அட்டவணையை அவர்களது சமூக ஊடக பக்கங்களில் வெளியிட்டு வந்தன.அப்படி தான் பெங்களூர் ஐபிஎல் அணியும், தங்கள் பக்கத்தில் ஆர்சிபி மோதவிருக்கும் அணிகளின் லோகோ-க்களை பயன்படுத்தி ஒரு சிறிய வீடியோ ட்விட்டரில் பதிவிட்டிருந்தது.

அந்த வீடியோவில் ராஜஸ்தான் ராயல்ஸ் அணியின் பழைய லோகோவை பயன்படுத்தி இருந்தனர் ஆர்சிபி அணியினர். இதனால், வெகுண்டெழுந்த ஆர்.ஆர் என்றழைக்கப்படும் ராஜஸ்தான் அணியின் ட்விட்டர் அட்மின், தங்கள் லோகோவை சரியாக பயன்படுத்தவும் ஒரு கேலி சித்திரம் மூலம் ரீ-ட்வீட் செய்து பெங்களூரு அணியை கலாய்த்திருந்தார்.

அந்த ட்வீட் இதோ!


இதற்கு உடனே தக்க பதிலடியும் கொடுக்க விராட் கோலியின் ஆர்சிபி அணி மறக்கவில்லை. இரண்டு தினங்களுக்கு முன்னர், ஆர்.ஆர் அணியினர் அவர்களது இன்ஸ்டாகிராம் பக்கத்தில் பதிவிட்ட ஒரு படத்தில் பழைய லோகோ பதிந்த சஞ்சு சாம்சனின் படத்தை பகிர்ந்திருந்தார். அதை ஸ்க்ரீன்-ஷாட் எடுத்து, இது மட்டும் சிறையான லோகோவா என்று பதில் அளித்திருந்தார் ஆர்.சி.பி ட்விட்டர் அட்மின்

அந்த பதிலடி ட்வீட் இதோ!

ஆனால், உண்மை என்னவெனில், ராஜஸ்தான் அணி தனது லோகோவை நீல நிறத்தில் இருந்து வெள்ளை நிறத்திற்கு மாற்றிவிட்டனர் என்பதே. இதெல்லாம் ஒரு குத்தமா என அனைவரும் கேட்கலாம். ஆனால், இதை வைத்தும் கலாய்த்து விளையாடி வருகிறார்கள் ஐபிஎல் அணியின் ட்விட்டர் அட்மின்கள். எல்லாத்துக்கும் காரணம் அந்த அட்மின் பையன் தாங்க!!!!

Leave a Reply

Your email address will not be published. Required fields are marked *

Translate »
Enable Notifications    OK No thanks