truetamilnews

பாடகர் எஸ்பிபி கடந்த ஒரு மாதமாக கொரோனா வைரஸ் தொற்றினால் பாதிக்கப்பட்டு மருத்துவமனையில் சிகிச்சை பெற்று வருகிறார். அவரது உடல்நிலை சீராக பிரபலங்கள் பலரும் பிரார்த்தனை செய்து வந்தனர்.

இந்நிலையில் அவர் கொரோனாவில் இருந்து மீண்டு இருப்பதாக மகன் சரண் வீடியோ வெளியிட்டு அறிவித்துள்ளார்.அவர் கூறி இருப்பதாவது..அனைவருக்கும் வணக்கம். வார இறுதியில் அப்டேட்கள் பதிவிடாததற்கு நான் மன்னிப்பு கேட்கிறேன். ஒரு நல்ல செய்தி வெளிவரும் என்று நான் காத்திருந்தேன். அவரது நுரையீரல் குணமடைய வேண்டும் என்று தான் நீங்கள் பிரார்தனை செய்தீர்கள். அப்போது தான் வெண்டிலேட்டரை நீக்க முடியும். ஆனால் துரதிஸ்டவசமாக அந்த அளவுக்கு இன்னும் முன்னேறவில்லை.

ஆனால் நல்ல செய்தி என்னவென்றால் எஸ்பிபி தற்போது அப்பாவுக்கு கொரோனா நெகட்டிவ் ஆகி இருக்கிறது. இதற்கு முன்பு சொன்னது போலவே அப்பா கொரோனா நெகட்டிவ் ஆக இருந்தாலும், பாசிட்டிவ் ஆக இருந்தாலும் எந்த பெரிய மாற்றமும் இல்லை. நுரையீரல் சரியாக வேண்டும் என்று தான் நாங்கள் அனைவரும் எதிர்பார்க்கிறோம், முன்னேற்றம் இருக்கிறது, ஆனால் அது நேரம் எடுத்துக்கொள்கிறது.

வார இறுதியில் நாங்கள் அப்பா மற்றும் அம்மாவுடன் நாங்கள் சிறிய அளவில் கொண்டாடினோம். அப்பா ஐபேடில் கிரிக்கெட் மற்றும் டென்னிஸ் போன்றவற்றை பார்த்து வருகிறது. அவருக்கு அதிகம் பிடித்த சீசன் துவங்கி இருப்பது மகிழ்ச்சி. ஐபிஎல் பார்ப்பதற்காக அவர் ஆவலுடன் காத்திருக்கிறார்.எழுத்து மூலமாக அப்பா அதிக அளவு பேசுகிறார். அவர் மயக்க நிலையில் இல்லை. தெளிவாக இருக்கிறார். திட்டமிட்டது போல பிசியோதெரபி சிகிச்சை அளிக்கப்பட்டு வருகிறது. தங்கள் பிரார்த்தனை மற்றும் அன்புக்கு நன்றி. தொடர்ந்து பிரார்த்தனை செய்யுங்கள். நான் என் அப்பா உட்பட அனைவருக்கும் பிரார்த்தனை செய்கிறேன் என சரண் தெரிவித்துள்ளார்.

Leave a Reply

Your email address will not be published. Required fields are marked *

Translate »
Enable Notifications    OK No thanks