truetamilnews.com

மன அழுத்தத்திற்கு ஆளாகும் நபர்களின் எண்ணிக்கை நாளுக்கு நாள் அதிகரித்து வருகின்றனர். இதனால் விபரீத முடிவுகளை எடுத்து தங்கள் உயிரை மாய்த்துக் கொள்கின்றனர். இதுதொடர்பாக தகவல்களை காவல்துறை ஆவணங்களில் இருந்து பெற்று மத்திய உள்துறை அமைச்சகத்தின் கீழ் செயல்படும் தேசிய குற்ற ஆவண காப்பகம் ஆய்வு செய்தது. இதன் அறிக்கை சமீபத்தில் வெளியிட்டுள்ளது


அதிகரிக்கும் தற்கொலையின் எண்ணம்

அதில், கடந்த 2019ஆம் ஆண்டு மட்டும் இந்தியாவில் சராசரியாக 381 பேர் தற்கொலை செய்து கொண்டனர். அந்த ஆண்டு முழுவதும் 1,39,123 பேர் தற்கொலை முடிவை எடுத்து உயிரை மாய்த்துக் கொண்டனர். இந்த எண்ணிக்கை 2018ஆம் ஆண்டை ஒப்பிடுகையில் அதிகம் என்பது மேலும் அதிர்ச்சி அளிக்கிறது. அதாவது, 2018ஆம் ஆண்டு 1,34,516 பேரும், 2017ஆம் ஆண்டு 1,29,887 பேரும் தற்கொலை முடிவைத் தேடிக் கொண்டனர்.


நகர்புறங்களில் அதிகரிப்பு

2018ல் இருந்து 2019ஆம் ஆண்டு 3.4 சதவீதம் தற்கொலை எண்ணிக்கை அதிகரித்துள்ளது. இது ஒரு லட்சம் மக்கள்தொகைக்கு கணக்கிடும் போது 2018ல் இருந்து 2019க்கு 0.2 சதவீத உயர்வு என்பது குறிப்பிடத்தக்கது. தேசிய அளவிலான தற்கொலை விகிதத்தை(10.4) விட நகர்ப்புறங்களில் விகிதம்(13.9) அதிகமாக இருக்கிறது. இவர்கள் தற்கொலை முடிவை பல்வேறு வகைகளில் எடுத்துள்ளனர்


காரணம் என்னவாக இருக்கும் 


தூக்கிட்டு தற்கொலை(53.6%), விஷம் அருந்தி தற்கொலை(25.85%), நீரில் மூழ்கி(5.2%), தீயிட்டு தற்கொலை(3.8%) என்ற விகிதங்களில் உயிரிழப்புகள் நிகழ்ந்துள்ளன. இவற்றுக்கு பின்னால் 32.4 சதவீதம் குடும்பப் பிரச்சினைகள் இருக்கின்றன. மேலும் திருமணம் தொடர்பான பிரச்சினைகளால் 5.5 சதவீதம் பேர், உடல்நலப் பாதிப்பால் 17.1 சதவீதம் பேர் போன்ற காரணங்கள் மொத்த தற்கொலையில் 55 சதவீதத்தைப் பிடித்துள்ளன


திருமண வாழ்க்கையின் ஒரு பகுதி

7 Life-Saving Lessons on Investing from a Happy Marriage | Safal Niveshak


ஒவ்வொரு 100 தற்கொலை மரணங்களிலும் 70.2 சதவீதம் ஆண்களும், 29.8 சதவீதம் பெண்களும் அடங்குவர். 2019ல் தற்கொலை செய்து கொண்டவர்களில் 68.4 சதவீத ஆண்கள் திருமணம் ஆனவர்கள். இதேபோல் பெண்களில் 62.8 சதவீதம் பேர் திருமணம் ஆனவர்களாக இருந்துள்ளனர். நாட்டிலேயே அதிகப்படியான தற்கொலைகள் நிகழ்ந்த மாநிலமாக மகாராஷ்டிரா உள்ளது. இங்கு 18,916 பேர் தற்கொலை செய்து கொண்டுள்ளனர்.

அதிர்ச்சியூட்டும் 5 மாநிலங்கள்


இதற்கு அடுத்தப்படியாக தமிழ்நாடு(13,493 பேர்), மேற்குவங்கம்(12,665 பேர்), மத்தியப் பிரதேசம்(12,457 பேர்), கர்நாடகா(11,288 பேர்) ஆகிய மாநிலங்கள் உள்ளன. இவை ஒட்டுமொத்த சதவீதத்தில் முறையே 13.6%, 9.7%, 9.1%, 9%, 8.1% என பதிவாகியுள்ளன. இந்த 5 மாநிலங்களும் ஒட்டுமொத்த தற்கொலை எண்ணிக்கையில் 49.5 சதவீத இடத்தைப் பிடித்துள்ளன. எஞ்சிய 50.5 சதவீத தற்கொலைகள் 24 மாநிலங்கள் மற்றும் 7 யூனியன் பிரதேசங்களில் நிகழ்ந்துள்ளன.

ஆறுதல் அளிக்கும் உத்தரப்பிரதேசம்

இதில் ஆச்சரியப்படும் விஷயம் என்னவென்றால் அதிக மக்கள்தொகை கொண்ட உத்தரப்பிரதேசத்தில் தற்கொலை எண்ணிக்கை மிகவும் குறைவாக இருக்கிறது. அதாவது வெறும் 3.9 சதவீதம் மட்டுமே ஒட்டுமொத்த எண்ணிக்கையில் பெற்றுள்ளது. பெரிய அளவில்/ குடும்பமாக தற்கொலை செய்து கொண்ட நிகழ்வுகள் தமிழ்நாட்டில் 16, ஆந்திரப் பிரதேசத்தில் 14, கேரளாவில் 11, பஞ்சாபில் 9, ராஜஸ்தானில் 7 எனப் பதிவாகியுள்ளன.


படித்தவர்கள் நிலையும் இப்படியா?


கல்வி ரீதியாக பார்க்கும் போது தற்கொலை செய்து கொண்டவர்களில் 12.6 சதவீதம் பேர் படிக்காதவர்கள். 16.3 சதவிதம் பேர் தொடக்கக் கல்வி கற்றவர்கள். 19.6 சதவீதம் பேர் நடுநிலைக் கல்வி கற்றவர்கள். 23.3 சதவீதம் மெட்ரிக் கல்வி கற்றவர்கள். மொத்த எண்ணிக்கையில் 3.7 சதவீதம் பேர் மட்டுமே பட்டதாரிகள் என தேசிய குற்ற ஆவண காப்பகத்தின் அறிக்கையில் கூறப்பட்டுள்ளது. தற்கொலை என்பது தீவிர பொது சுகாதார பிரச்சினை என்று உலக சுகாதார நிறுவனம் தெரிவித்துள்ளது.


தற்கொலை வேண்டாம்


இதனை சரியான நேரத்தில் நாம் தடுத்து நிறுத்தியாக வேண்டும். முதலில் தற்கொலை செய்வது தவறு என்ற விழிப்புணர்வை ஏற்படுத்த வேண்டும். மனச்சோர்வு அடைந்தவர்களை உடனடியாக மருத்துவ சிகிச்சை பெற்றுக் கொள்ள அறிவுறுத்த வேண்டும். எதிர்மறை எண்ணங்கள் நீங்க ஆலோசனைகள் வழங்க வேண்டும். பேசிப் பேசித் தான் தீர்வு காண வேண்டும். ஆறுதலான வார்த்தைகளும், சரியான வழிகாட்டுதலும் இருக்க வேண்டும்.

Leave a Reply

Your email address will not be published. Required fields are marked *

Translate »
Enable Notifications    OK No thanks