truetamilnews.com

நடிக்க வேண்டும் என்கிற ஆசையில் சென்னைக்கு வருபவர்கள் அனைவரும் நடிகர் திலகம் சிவாஜி கணேசனை மனதில் நினைத்துக் கொண்டு தான் வருவார்கள். அவரின் நடிப்புக்கு ஈடு இணையே இல்லை. சிவாஜி கணேசன் மறைந்தாலும் உலகம் இருக்கும் அளவும் அவரின் நடிப்பு பற்றி பேசப்படும்.

சிவாஜியை அடுத்து அவர் வழியில் இளைய மகன் பிரபு நடிகராகி தனக்கென்று ஒரு அடையாளத்தை உருவாக்கினார். ஜாம்பவானான சிவாஜியின் மகனாக இருந்து கொண்டு தனி அடையாளம் பெறுவது எளிது அல்ல. அதை தன் திறமையான நடிப்பால் செய்து காட்டினார் பிரபு.

பிரபுவை அடுத்து அவரின் மகன் விக்ரம் பிரபு நடிகரானார். சிவாஜி பேரனுக்கு நடிக்கவா சொல்லித் தர வேண்டும் என்பது போன்று சிறப்பாக நடித்து வருகிறார் விக்ரம் பிரபு. மேலும் பிரபுவின் அண்ணன் ராம்குமாரின் மகன் துஷ்யந்த் சக்சஸ் படம் மூலம் நடிகரானார். சக்சஸ், மச்சி ஆகிய படங்களுக்கு பிறகு துஷ்யந்தை பெரிய திரையில் பார்க்க முடியவில்லை.

இந்நிலையில் துஷ்யந்தின் தம்பி தர்ஷன் விரைவில் ஹீரோவாக அறிமுகமாகவிருக்கிறார். தர்ஷன் தன் தாத்தா சிவாஜி போன்று நாடக வழியை தேர்வு செய்துள்ளார். தர்ஷன் குறித்து அவர் குடும்பத்திற்கு நெருக்கமான ஒருவர் கூறியதாவது,

சிவாஜி கணேசனின் மூத்த மகன் ராம் குமாரின் இரண்டாவது மகன் தான் தர்ஷன். இளம் வயதில் இருந்தே அவருக்கு நடிப்பு மீது ஆர்வம். சிவாஜியின் தீவிர ரசிகனான தர்ஷன் முறைப்படி நடிப்பு குறித்து கற்றுக் கொண்ட பிறகே திரைத்துறைக்கு வர விரும்பினார்.

4 ஆண்டுகளாக அவர் மேடை நாடகங்களில் நடித்து வருகிறார். டெல்லியில் இருக்கும் நேஷனல் ஸ்கூல் ஆஃப் டிராமா ஆசிரியர் ஒருவரிடம் பயிற்சி பெற்றுக் கொண்டிருக்கிறார். அவர் இதுவரை மேடை நாடகங்கள், தெருக்கூத்து உள்ளிட்டவற்றில் நடித்திருக்கிறார். அவர் சென்னை, மும்பை, புனே உள்ளிட்ட பல நகரங்களில் நடந்த நாடகங்களில் நடித்துள்ளார். அவரின் நாடகங்கள் தமிழ், இந்தி மற்றும் ஆங்கிலத்தில் இருக்கும்.

நாடகங்கள் தான் இஷ்டம் என்றாலும் பெரிய திரையில் அறிமுகமாக தயாராகி வருகிறார் தர்ஷன். படம் குறித்த பேச்சுவார்த்தை நடந்து வருகிறது. இரண்டு மாதங்களுக்குள் படம் குறித்த அதிகாரப்பூர்வ அறிவிப்பு வெளியாகும் என்றார்.

Leave a Reply

Your email address will not be published. Required fields are marked *

Translate »
Enable Notifications    OK No thanks