truetamilnews.com

மேட்டுப்பாளையத்தை சேர்ந்த வயதான மூதாட்டி ஒருவர் தனது 103வது வயதிலும் அல்லாது விவசாயம் செய்து வரும் சம்பவம் அனைவரது மத்தியிலும் வியப்பை ஏற்படுத்தியுள்ளது. கோவை மாவட்டம் மேட்டுப்பாளையத்தை சேர்ந்தவர் பாப்பம்மாள். 1914-ம் ஆண்டு தேவனாபுரம் கிராமத்தில் பிறந்த இவருக்கு, தற்போது 103 வயதாகிறது.

பாப்பாம்மாள் தனது சிறுவயதிலேயே பெற்றொரை இழந்துவிட, இவரது பாட்டி, இவரையும் இரு சகோதரிகளையும் தேக்கம்பட்டி கிராமத்துக்கு அழைத்துவந்து அங்கு மளிகை கடை வைத்து வாழ்க்கையை தொடங்கியுள்ளார். சில காலங்களுக்கு முன்னர் பாட்டியும் இறந்துவிட மளிகைக்கடையை பாப்பம்மாள் எடுத்து நடத்தி வந்துள்ளார். இப்படி தனது அயராது உழைப்பால் சிறுக சிறுக சேர்த்த பணத்தில் அதே கிராமத்தில் 10 ஏக்கருக்கு நிலம் வாங்கி விவசாயம் செய்து வந்துள்ளார் பாப்பம்மாள்.

இந்நிலையில் தன்னை அரசியலில் ஈடுபடுத்திக் கொண்ட அவர், 1959ஆம் ஆண்டு தேக்கம்பட்டி பஞ்சாயத்து உறுப்பினராகவும். 1964ஆம் ஆண்டு யூனியன் கவுன்சிலராகவும், மாதர் சங்கத் தலைவியாகவும், தமிழ்நாடு வேளாண்மை பல்கலைக்கழக விவாதக் குழு அமைப்பாளராகவும் பதவிகளை வகித்துள்ளார். பாப்பம்மாளுக்கு திருமணமாகி குழந்தைகள் இல்லாததால், தனது சகோதரிகளின் குழந்தைகளை தத்து எடுத்து வளர்த்து வந்துள்ளார்.

தற்போது பாப்பம்மாளுக்கு 103 வயதானாலும்கூட, இன்னும் இளமையுடன் விவசாய வேலைகளை செய்து, அரசியல் பணிகளிலும் ஈடுபட்டு வருகிறார்.

இதுகுறித்து அவர் கூறுகையில், வயதானதால் அளவான உணவு எடுத்துக்கொண்டு வருவதாகவும், கடந்த 50 ஆண்டுகளாக வாழை இலையில் மட்டுமே சாப்பிட்டு வருவதாகவும் கூறினார். அந்த காலத்தில் அனைத்து வேலைகளையும் தாங்களே செய்ததால் தங்கள் உடம்பில் நோய்கள் வந்ததில்லை என்றும், அதனால் கிராமங்களில் மருத்துவமனைகளே இல்லை எனவும் தெரிவித்தார். மேலும் தி.மு.க. தலைவர் கருணாநிதியை சந்திக்க வேண்டும் என்று நீண்ட நாள் ஆசைப்பட்டதாக கூறிய பாப்பம்மாள், அந்த ஆசை நிறைவேறாமல் போனதாகவும் வருத்தத்துடன் தெரிவித்தார்.விவசாயத்தில் இவரது அயராது உழைப்பை பாராட்டி தமிழக அரசு இவருக்கு பத்மபூஷன் விருதை அளித்து மரியாதை செய்துள்ளது

Leave a Reply

Your email address will not be published. Required fields are marked *

Translate »
Enable Notifications    OK No thanks