truetamilnews.com

98 வயதில் கொரோனா பாதிப்பில் இருந்து குணமடைந்த நடிகர்.

கேரள மாநிலத்தை சேர்ந்தவர் உன்னிகிருஷ்ணன் நம்பூதிரி. 98 வயதாகும் அவர் அஜித்தின் கண்டுகொண்டேன் கண்டுகொண்டேன் படம் மூலம் தமிழ் திரையுலகில் அறிமுகமானார். அந்த படத்தில் தபு, ஐஸ்வர்யா ராய், ஷாமிலி ஆகியோரின் தாத்தாவாக நடித்திருந்தார். அதன் பிறகு பம்மல் கே சம்பந்தம் படத்தில் கமல் ஹாசனுக்கு தாத்தாவாக நடித்தார் உன்னிகிருஷ்ணன். ரஜினியின் சந்திரமுகி படத்திலும் நடித்தார். பின்னர் அவர் தமிழ் படங்களில் நடிக்கவில்லை.

3 வாரங்களுக்கு முன்பு உன்னிகிருஷ்ணனுக்கு நிமோனியா ஏற்பட்டு கண்ணூரில் இருக்கும் தனியார் மருத்துவமனையில் அனுமதிக்கப்பட்டார். அப்பொழுது அவருக்கு செய்த பரிசோதனையில் கொரோனா வைரஸ் பாதிப்பு இல்லை என்பது தெரிய வந்தது.

உடல்நலம் தேறிய பிறகு உன்னிகிருஷ்ணன் வீடு திரும்பினார். வீட்டிற்கு வந்த இரண்டு நாளில் அவருக்கு மீண்டும் காய்ச்சல் ஏற்பட்டது. இதையடுத்து மீண்டும் அவரை மருத்துவமனையில் அனுமதித்தார்கள்.

இம்முறை செய்த பரிசோதனையில் அவருக்கு கொரோனா வைரஸ் பாதிப்பு இருப்பது தெரிய வந்தது. அவரை தீவிர சிகிச்சை பிரிவில் இரண்டு நாட்கள் வைத்திருந்தார்கள். அதன் பிறகு அவர் குணமாகிவிட்டார். ஞாயிற்றுக்கிழமை செய்த பரிசோதனையில் கோவிட் நெகட்டிவ் என்று வந்தது.

இது குறித்து அவரின் மகன் பவதாசன் கூறியதாவது,
அப்பா வேகமாக குணமானதில் அனைவரும் சந்தோஷமாக இருக்கிறோம். கொரோனா வைரஸ் பிரச்சனையால் அவர் எல்.எஸ்.ஜி. தேர்தலில் வாக்களிக்கவில்லை. அவர் வாக்களிக்காமல் இருப்பது இது தான் முதல் முறை ஆகும்.

அப்பாவுக்கு எந்த நோயும் இல்லை. முன்னதாக அவர் ஜிம் ஒன்றை நடத்தி வந்தார். இளம் வயதில் இருந்தே உடல்நலனில் அதிக அக்கறை கொண்டவர். அவர் பாடிபில்டராகவும் இருந்தவர் என்றார்.

உன்னிகிருஷ்ணன் நம்பூதிரியின் லைஃப்ஸ்டைல் தான் அவர் கொரோனா பாதிப்பில் இருந்து விரைவில் குணமாக உதவியது என்று தெரிவிக்கப்பட்டுள்ளது.

Leave a Reply

Your email address will not be published. Required fields are marked *

Translate »
Enable Notifications    OK No thanks