truetamilnews.com

உணவு கிடைக்காதவர்களுக்கு ஒருவேளை உணவாவது வழங்க வேண்டும் என்று பலரும் நினைத்திருப்போம். செய்திருப்போம். ஆனால், ஆதாரவற்றோருக்கும், தங்க இடமில்லாமல் இருப்பவர்களும் ஒரு வீடு கட்டி, வீடு நிறைய சமையல் பொருட்களை வைத்து, ” வாங்க வந்து சமைத்து சாப்பிட்டுவிட்டு, தங்கிட்டு போங்க” என்று சொல்பவர்களை பார்த்ததுண்டா? அப்படி ஒரு தொண்டு நிறுவனத்தை நடத்துபவர்கள்தான் ஐதராபாத்தைச் சேர்ந்த டாக்டர் சூர்யபிரகாசம், டாக்டர் காமேஸ்வரி தம்பதி.

இந்த தம்பதி கொரோனா காலத்தில் சுமார் 800 க்கும் மேலான கொரோனா நோயாளிகளுக்கு சிகிச்சை அளித்துள்ளனர். அதுமட்டுமில்லாமல், உதவி தேடி வருபவர்களுக்கு ”அந்தரி இல்லு” என்ற வீட்டை கட்டி, வீட்டுக்குள் சமயலறை, நூலகம் மற்றும் தங்கும் வசதியையும் ஏற்படுத்தியுள்ளனர். இந்த வீடு காலை 5 மணி முதல் நள்ளிரவு 1 மணி வரை பூட்டப்படாது.

இங்கு யார் வேண்டுமானாலும் வரலாம். எந்த கேள்வியும் கேட்கப்படாது. சாலையில் வசிப்பவர்கள், வேறு மாநிலத்தில் இருந்து வருபவர்கள், நள்ளிரவில் வீடு கிடைக்காதவர்கள், மாணவர்கள், தொழிலாளிகள் என ஒரு இரவாவது தஞ்சம் அடைய நினைப்பவர்களுக்கு ”அந்தரி இல்லு” வீடு திறந்தே இருக்கும். வருபவர்கள் சமைத்து சாப்பிட அனைத்து பொருட்களும், உறங்கிவிட்டு செல்ல படுக்கையறைகளும் உள்ளன.

இந்த பகுதியில் குடியிருப்புகள் அதிகமாக உள்ளதால், நள்ளிரவு 1 மணி வரை அந்தரி இல்லு செயல்பட போலீசார் அனுமதி வழங்கியுள்ளதாக கூறப்படுகிறது. இதுகுறித்து, வீட்டின் உரிமையாளரும், மருத்துவரான சூர்யப்ரகாஷ் கூறுகையில், ” எந்தவொரு குடிமகனும் எப்போது வேண்டுமானாலும் இங்கு வரலாம். உணவு சமைக்கவும், சாப்பிடவும், புத்தகங்களைப் படிக்க நேரத்தை செலவிடவும் கட்டணமில்லா ஒரு வீடு இது. கட்டணம் செலுத்த பணம் இல்லாத மாணவர்கள், உணவு வாங்க முடியாத வேலை தேடுபவர்கள் , பல நாட்களாக உணவு இல்லாமல் தெருக்களில் சுற்றித் திரிபவர்கள் , வீடில்லா பெண்களுக்கு வரை இது ஒரு திறந்த மாளிகை.சாதி, மதம் எந்த வேறுபடின்றி அனைவரும் இந்த வீடு அடைக்கலம் தரும்” என இவ்வாறு கூறினார்.

 

Leave a Reply

Your email address will not be published. Required fields are marked *

Translate »
Enable Notifications    OK No thanks