நாகர்கோவில், கோயமுத்தூர், சென்னைக்கு மதுரை வழியாக ரயில் சேவைகளை வரும் 8ஆம் தேதி முதல் துவக்கப்படும் என தெற்கு ரயில்வே அறிவித்துள்ளது. சில ரயில்கள் குறித்த அட்டவணையையும் தெற்கு ரயில்வே வெளியிட்டுள்ளது.

நாகர்கோவில்-குருவாயூர் ரயில் சேவை தொடக்கம்: ரயில்வே அறிவிப்பு!கொரோனா பெருந்தொற்று ஊரடங்கு காரணமாகக் கடந்த 7 மாதங்களுக்கும் மேலாக ரயில்கள் இயக்கப்படவில்லை. இந்த சூழலில், மதுரை வழியாகச் செல்லும் வகையில் சில எக்ஸ்பிரஸ் ரயில்களின் அட்டவணையை தெற்கு ரயில்வே வெளியிட்டுள்ளது. அதன்படி வரும் டிசம்பர் 8ஆம் தேதி முதல் ரயில் சேவை துவங்கவுள்ளது.

அந்த ரயில்களின் விபரம்:
டிசம்பர் 10ஆம் தேதி முதல் எழும்பூரிலிருந்து நாகர்கோவிலுக்கு மதுரை வழியாக அதி வேகச் சிறப்பு வாராந்திர ரயில் ஒவ்வொரு வியாழனென்றும் இயக்கப்பட உள்ளது. சென்னை எழும்பூரிலிருந்து வியாழக்கிழமை மாலை 6. 55 மணிக்குப் புறப்படும் இந்த ரயில் மறுநாள் அதிகாலை 2. 30 மணிக்கு மதுரை சென்றடையும். அதன்பின் அங்கிருந்து காலை 7. 30 மணியளவில் நாகர்கோவில் சென்று சேரும்.

அதே மார்க்கத்தில் நாகர்கோவிலிருந்து வெள்ளியன்று மாலை 4. 15 மணிக்குப் புறப்படும் ரயில், அன்றிரவு 9 மணியளவில் மதுரையை வந்தடையும். அதன்பின் மறுநாள் காலை 4. 45 மணிக்குச் சென்னை எழும்பூர் ரயில் நிலையம் சென்று சேரும்.

அதேபோல் நாகர்கோவிலிருந்து கோயம்புத்தூருக்கு அதி வேகச் சிறப்பு ரயில் வரும் டிசம்பர் 8ஆம் தேதி முதல் நாள்தோறும் இயக்கப்பட உள்ளது. இந்த ரயில் கோயம்புத்தூரிலிருந்து நாள்தோறும் இரவு 7. 30 மணிக்குப் புறப்பட்டு நள்ளிரவு 12. 35 மணியளவில் மதுரையை வந்தடையும். மறுநாள் காலை 5. 05 மணிக்கு நாகர்கோவிலைச் சென்றடையும்.

அதே மார்க்கத்தில் நாகர்கோவிலிருந்து இரவு 9. 45 மணிக்குப் புறப்படும் இந்த ரயில் பிற்பகல் 1. 45 மணிக்கு மதுரையை வந்தடையும். அன்றைய தினம் இரவு 7.15 மணிக்குக் கோயம்புத்தூரைச் சென்றடையும்.

டிசம்பர் 8ஆம் தேதி முதல் சென்னையிலிருந்து மதுரை வழியாகக் கேரள மாநிலம் குருவாயூர் வரை நாள்தோறும் சிறப்பு ரயில் இயக்கப்படவுள்ளது. ஒவ்வொரு நாளும் காலை 8. 25 மணிக்குச் சென்னை எழும்பூரிலிருந்து புறப்படும் இந்த ரயில் திருச்சி, திண்டுக்கல் வழியாக மாலை 4. 10 மணிக்கு மதுரையை வந்தடையும். அதன்பின் திருநெல்வேலி, நாகர்கோவில், திருவனந்தபுரம் வழியாக மறுநாள் காலை 6. 40 மணிக்கு குருவாயூர் சென்றடையும்.

அதே மார்க்கத்தில் குருவாயூரிலிருந்து இரவு 9. 30 மணிக்குப் புறப்பட்டு நள்ளிரவு 12. 05 மணிக்கு மதுரை வந்தடையும். பிறகு மறுநாள் இரவு 8. 35 மணிக்குச் சென்னை எழும்பூர் வந்தடையும்.
இவ்வாறு தெற்கு ரயில்வே வெளியிட்ட அட்டவணையில் கூறப்பட்டுள்ளது.

Leave a Reply

Your email address will not be published. Required fields are marked *

Translate »
Enable Notifications    OK No thanks