கல்லூரிகள் திறக்கப்படும் தேதி குறித்து உறுதியான தகவலை உயர்கல்வித்துறை அமைச்சர் தெரிவித்துள்ளார்.

கொரோனா வைரஸ் பரவல் காரணமாக நாடு முழுவதும் பள்ளி, கல்லூரிகள் மூடப்பட்டுள்ளன. தங்கள் மாநில சூழலுக்கு ஏற்ப கல்வி நிலையங்கள் திறப்பு குறித்து சம்பந்தப்பட்ட அரசுகளே முடிவெடுத்துக் கொள்ளலாம் என்று மத்திய அரசு அறிவுறுத்தியது. இந்த சூழலில் இறுதியாண்டு பயிலும் மாணவர்களுக்கு வரும் டிசம்பர் 2ஆம் தேதி கல்லூரிகளை திறக்க வேண்டும் என்று அகில இந்திய தொழில்நுட்ப கவுன்சில் (AICTE) மற்றும் பல்கலைக்கழக மானியக் குழு (UGC) ஆகியவை வழிகாட்டுதல்களை வெளியிட்டன. இதற்கான வேலைகளில் தமிழக உயர்கல்வித்துறை ஈடுபட்டு வந்தது.

இதற்கிடையில் நிவர் புயல் தமிழகத்தில் பெரிய அளவில் பாதிப்பை ஏற்படுத்தியுள்ளது. இரண்டு நாட்களுக்கும் மேலாக பல இடங்களில் மின்சாரம் துண்டிக்கப்பட்டிருந்தது. இதன் காரணமாக வரும் 2ஆம் தேதி கல்லூரிகள் திறக்கப்படுமா? இல்லையெனில் வேறு தேதிக்கு ஒத்தி வைக்கப்படுமா? என்று மாணவர்கள் மத்தியில் சந்தேகம் எழுந்தது.

இந்நிலையில் செய்தியாளர்களிடம் இன்று (நவம்பர் 28) பேசிய உயர்கல்வித்துறை அமைச்சர் கே.பி.அன்பழகன், முதுநிலை இரண்டாம் ஆண்டு அறிவியல், பொறியியல், தொழில்நுட்பப் பிரிவு உள்ளிட்ட பல்வேறு பிரிவுகளில் பயிலும் மாணவர்களுக்கு திட்டமிட்டபடி வரும் டிசம்பர் 2ஆம் தேதி கல்லூரிகள் திறக்கப்படும்.

பள்ளி மாணவர்களுக்கு அடுத்து வரும் குட் நியூஸ்!

தேர்வுக்கு தயாராக வேண்டும். செய்முறைத் தேர்வுகளை ஆன்லைனில் நடத்த முடியாது. எனவே கல்லூரிகளுக்கு வருவது மிகவும் அவசியமாகிறது. மாணவர்களின் எண்ணிக்கை குறைவாக இருப்பதால் நோய்த்தொற்று அச்சம் பெரிதாக இல்லை.

இதனைக் கருத்தில் கொண்டே கல்லூரிகள் திறப்பு குறித்து முடிவு எடுக்கப்பட்டுள்ளது. நிவர் புயலை மாநில அரசு மிகவும் சிறப்பாக கையாண்டிருக்கிறது. மீண்டும் புயல் உருவாகி அதிக மழை பெய்யும் பட்சத்தில் கல்லூரிகள் திறப்பை தள்ளி வைப்பது பற்றி அப்போது ஆலோசிக்கப்படும் என்று தெரிவித்தார்

Leave a Reply

Your email address will not be published. Required fields are marked *

Translate »
Enable Notifications    OK No thanks