truetamilnews.com

சென்னை: ஆசிரியர்கள் தினம் இன்று கொண்டாடப்படும் நிலையில் திரைத்துறை பிரபலங்கள் பலரும் வாழ்த்து தெரிவித்து வருவதோடு தங்களின் குருமார்களையும் நினைவு கூர்ந்துள்ளனர்.

இந்தியாவின் முதல் துணைக் குடியரசுத் தலைவரும், இரண்டாவது குடியரசுத் தலைவரும், சிறந்த தத்துவஞானியுமான டாக்டர் ராதாகிருஷ்ணனின் பிறந்த நாளை நினைவுகூரும் வகையில் 1962 முதல் ஒவ்வொரு ஆண்டும் செப்டம்பர் 5 ஆம் தேதி இந்தியாவில் ஆசிரியர் தினம் கொண்டாடப்படுகிறது.

இந்த நன்னாளில் கல்விச்சேவை ஆற்றும் ஆசிரியர்கள் கவுரவப்படுத்தப்படுகிறார்கள். ஆசிரியர்களுக்கு வாழ்த்துகளும் தெரிவிக்கப்பட்டு வருகிறது.

கமல் வாழ்த்து

இன்று ஆசிரியர் தினம் கொண்டாடப்படும் நிலையில் சினிமா பிரபலங்கள் பலரும் ஆசிரியர் தின வாழ்த்து தெரிவித்துள்ளதோடு தங்களின் ஆசிரியர்களையும் நினைவு கூர்ந்து வருகின்றனர். அந்த வகையில் நடிகர் கமல்ஹாசன், தனது டிவிட்டர் பதிவில், நாளைய தமிழகத்தின் நம்பிக்கையாம் நம் பிள்ளைகளுக்கு நற்கல்வி தந்து சான்றோர்களாக உருவாக்குவது நல் ஆசிரியர்கள்தான். அவர்களை இன்றும் என்றும் நினைவில் கொண்டு வாழ்த்துவோம். போற்றுவோம் என கூறியுள்ளார்.

தனது ஆசான்

இதேபோல் தமிழ் சினிமாவின் தரமான இயக்குநர்களில் ஒருவரும், நடிகருமான சேரன் சினிமாத்துறையில் தான் சாதிக்க காரணமாயிருந்த தனது ஆசானான இயக்குநர் கேஎஸ் ரவிக்குமாரை நினைவு கூர்ந்துள்ளார். மேலும் ஆசிரியர்களுக்கும் அவர் வாழ்த்து கூறியுள்ளார்.

நடிகர் பிரசன்னா

நடிகர் பிரசன்னாவும் ஆசிரியர் தினத்தை முன்னிட்டு வாழ்த்து கூறியுள்ளார். அதே நேரத்தில் கப்பலோட்டிய தமிழன் வஉசி பிறந்த நாளையும் நினைவு கூர்ந்துள்ளார். இதுதொடர்பான அவரது பதிவில், கப்பலோட்டிய தமிழன் வ.உ.சி பிறந்தநாள் இன்று! ஆசிரியர்தினத்தோடு இந்த வீரத்தலைவரையும் நினைவில்கொள்வோம் என பதிவிட்டுள்ளார்.

Leave a Reply

Your email address will not be published. Required fields are marked *

Translate »
Enable Notifications    OK No thanks